مش كل واحد يخللي باله من لغلوغه !!
مظفر النواب يا شاب منك له ، ليها ، بس مش ليهم ، شاعر ولسانه زالف وقال : "أولاد القحبة لست خجولا حين أخاطبكم ، فحظيرة خنزير اطهر ، أطهر من أطهركم" ، وضجت القاعه بالتصفيق ، فأعاد قوله " أولاد القحبه - ولا أستثني منكم أحداّ - ... وأكمل قصيدته.... ده مين ؟؟؟ ده مظفر النواب ... ماشي نمره (1).
وعندنا نوع من البشر ، تحكمهم قاعدة انتاجية علميه تقول "هات عليه ... وخد عليك" ، وقاعدة تنظيميه في ادارة الاعمال تقول "حلق ... ولا تمسكش" ... ماشي نمره (2).
اما السيد محمود عبد العزيز في فيلم الكيف فوضع شعار المرحله " يا حلو بانت لبتك ... وبس" ، والسيد سواق الاتوبيس وضع المرحوم عاطف الطيب علي لسانه موقفه صارخا : "يا ولاد الكلب" ، والكلب مظلوم معانا ... ماشي نمره (3).
وننقل علي كلام بايخ وبارد ويفرس ، اسمه الترتيب العالمي للجامعات في العالم ، واللي لقيتهم من الجامعات المصريه افريقيا همه الشويه دول ضمن اول 100 جامعه افريقيه ، والرقم اللي في العمود الاول الترتيب ضمن ال100 والرقم اللي في العمود الاخير هو الترتيب العالمي !!:
| |||||||||||||||||||||||||||
| 9 |
| 1,691 |
| |
| 13 |
| 2,492 | ||
| 27 | ARAB ACADEMY FOR SCIENCE & TECHNOLOGY AND MARITIME TRANSPORT |
| 4,302 | |
| 28 |
| 4,407 | ||
| 31 |
| 4,822 | ||
| 38 |
| 5,719 | ||
| 41 |
| 5,786 | ||
| 54 |
| 6,653 | ||
| 77 |
| 8,032 | ||
| 82 |
| 8,135 | ||
| 92 |
| 8,480 | ||
| 97 |
| 8,599 | ||
ولم اجد اسم جامعة قناة السويس ، وطبعا لان اللبيب بالاشارة يفهموووووا ، قلت علشان كده جابوا رئيس للجامعه جديد ، يمكنه اولا الحفاظ علي المستوي العالمي لجامعة قناة السويس ، ومن المؤكد أن الامن اللي بيحمي البلطجيه في المجلس المحلي والنادي الاسماعيلي وجدوا ان الرئيس الجديد للجامعه مناسب للمهمه ورشحوه ، لكن الراجل قدراته اكبر من مجرد النهوض بجامعه مصريه الي مستوي جامعات أدغال افريقيا التي كانت ، ولديه فائض من الطاقه الاداريه حسب قاعدة " حلق ... ولا تمسكش" ، وهو سيكرمنا ويزيد الطين بلللللللا ، ويرشح نفسه رئيسا للنادي الاسماعيلي ، ما هي المشرحه ناقصه .... ، طيب ما تخللي بالك من لغلوغك ... قصدي ادارة الجامعه ، ولا انت فاكر ان الاسماعيلي صندوق " ورنيش" بعد تلميع الكومي جاهز للي بعده .....
والنبي اللي يقدر يفسر لي اي حاجه في المشهد الاسمعلاوي ادعي له بالرحمه ...وربنا يخلي لك ميتينك يا خواجه..
منظرهم عامل زي "ابو مازن" ... ياخذ كوندليزا بالحضن وميقدرش يقرب من ليفني ، وليفني تاخد القدس ولو نطق "ابو مازن" تعتقله ... واحنا ندي اسرائيل "الغاز" ... ومدد يا سامح يا فهمي مدد ، وقال إييييييييييه رئيس الوزاره وقف مع مجلس الجندي ؟؟؟؟ ، واضح انهم دفعه واحده ...
علي فكره كان فيه زمان موضوع اسمه (الحاج " كينتج " ) ، وكينتج اسم حفار جلبته اسرائيل للتنقيب عن البترول في خليج السويس ونسفته المخابرات المصريه علي الساحل الغربي للقاره السمراء في بيدجان بساحل العاج ، وادار العمليه محمد نسيم يا سامح ، وماكنش فيه حد اسمه حسين سالم.
شايفين اللغاليغ كتيره ازاي ... وبعد ما وصل التضخم الي 22% حسب التصريحات الرسميه ... يبقي تمن اللغلوغ كام في النادي الاسماعيلي ...
همه الناس دي مش ليها اقرار ذمه ماليه ... ولا اساسا مفيش ذمه ... زي ما احنا مفيش ماليه...
ياعالم اتكسفوا علي دمكم لو عندكم دم ... ودوروا علي حل لرغيف العيش ... عيب .
محمد مصطفي الغزاوي
اسمعلاوي ... " فاكرين لما الاسماعيلي جاب جون بعد وفاة رضا" ... فاكرين صورة رضا عند ابوطالب امام التعاون ... فاكرين لما حاولوا يأمنوا حياة رضا وعينوه صول في الطيران ... كنا رجاله ووقفنا وقفة رجاله.
اغضب
ولا تُسمع احد
فإنك إن تركت الأرض عارية
يُـضاجعها المقامر .. والمخنث .. والعميل
سترى زمان العُـهر يغتصب الصغار ويـُـفسد الأجيال
جيلا ً.. بعد جيل
وترى النهاية أمة . مغلوبة . مابين ليل البطش . والقهر الطويل
ابصق على وجه الرجال فقد تراخى عزمُهم
واستبدلوا عز الشعوب بوصمة العجز الذليل
كيف استباح الشرُ أرضك ؟
واستباح العُهر عرضك ؟
واستباح الذئبُ قبرك ؟
واستباحك فى الورى
ظلمُ الطـُغاةِ الطامعين ؟؟؟
فاروق جويده
