رسالة شديدة اللهجة جدااااا لحماس
الاخوه والاصدقاء
وصلتني هذه الرساله ، ووجدتني معقبا عليه ، ورأيت واجبا ان ارسلها اليكم كما تعودنا اذا ما مر بنا خطب ومصاب وما اكثرها في ايام شهر رمضان هذا
وعلي الله قصد السبيل
مصطفي الغزاوي
الاخت الفاضله ايمان بدوي
قرأت كل كلمه في رسالتك .. صرختك وشعرت انني ارددها معك وليس لاحد ان يتمسك بالخطايا والجرائم تحت عنوان ان هناك من يتمسك بمبدأ المقاومه وهناك آخرون يفرطون في القضيه برمتها ، وليس معني الموقف من حماس انتصار للسلطة التي فرطت في اشياء كثيره ، واخطرها انها فتحت الباب علي مصراعيه امام كل الاطراف كي تستبيح دم الانسان العربي الفلسطيني.
نعم هناك ثأر في مواجهة السلطه ، ولكن الثأر الاخطر في مواجهة حماس ، ولا يدعي احد ان ما يعلن القصد منه تشويه احد ، فهم اساسا يقومون بتشويه انفسهم وتشويه مفهوم المقاومه ، وليقولوا وبوضوح ماذا يريدون؟
حماس اليوم خرجت من خندق المقاومه المسلحه في مواجهة الكيان الصهيوني ، الي ذات خندق السلطه في مواجهة المقاومه ، ولكن هذا ليس نهاية القضيه ، ففلسطين ليست قضية من يعيشون فوق ارضها قاوموا وقتلوا او قتلتهم اجهزة خيالات المآته من حماس وغيرها في الضفه او القطاع وليست فلسطين قضية من يموتون جوعا او مرضا ، وليست قضية من يحاصرون رفح ويمنعون المدد الي شعب غزه المحاصر من الخارج والمقتول من الداخل ، قضية فلسطين هي قضية كل ذرة تراب في وطننا العربي ، وهي قضية كل قطرة دم لانسان العربي ، لن تطمسها حماس برعونتها ، ولا فتح بتفريطها ، ولن تطمسها اتفاقات الخيانه ، ولا مفاوضات الوساطه التركيه ، ولعل المذبحة الاخيره واكبت ذكري قصف اسرائيل لشمال سوريا ؟!!
وما يردده البعض من فصائل ارتدت مسوح الاسلام السياسي من جواز الحوار مع امريكا وابعد من ذلك مع اسرائيل ( لرفع الظلم ) ، يعود ليؤكد ان الوعي بالقضيه الوطنيه وبطبيعة الصراع هو معيار الرفقه ، فهؤلاء الذين يشتكون من ان امريكا اعطت للنظام في مصر رخصة التزوير فيما بعد المرحلة الاولي من انتخابات مجلس 2005 في مصر ، ويرتبون علي هذا هدف ( ضرورة اقناع الامريكيين انهم ليسوا خطرا كما يصور النظام هذا للامريكيين ) ، عبيد ينافسون عبيدا ، من منهم اكثر خدمة واوفي للسيد الامريكي ، منطق العبيد هذا يعكس نفسه في فلسطين ، من منهم ينفذ الترتيبات الامنيه ، ويقع في خانة العبيد.
ويبقي ان هناك شرفاء يحملون السلاح في مواجهة العدو الصهيوني ، وهؤلاء نناشدهم ان يرفضوا خيانة الشعب ، الام والطفل والرجل والشهداء ، وان يرتفعوا فوق فعل الخيانه ايا كان مصدره ، وليعلموا ان الارض والشعب قضية واحده ، وليس فيها علم ذا لون الا لون الدم الذي يضمن الحريه .
الاخت الفاضله ... سوف يبقي القابضون علي عروبتهم وفلسطين والقدس كالقابضين علي الجمر في زمن المخنثين واشباه الرجال فوق ارضنا.
رحم الله كل الشهداء ... ورحم الله شهداء الدويقه ... وعاش كفاح شعبنا العربي من اجل تحرير فلسطين ... فلسطين عربيه ، ولا نامت اعين الجبناء.
مصطفي الغزاوي
بسم الله الرحمن الرحيم
ايام و شهور و انا ماسكة لسانى على الاخر
واقول اللهم اخذيك يا شيطان و لنبعد عن الفتن
اللى بين حماس و فتح
بس مش قادرة ومش عارفة ليه لم يتكلم احد
خايفين على زعل حماس؟
ان الاوان نزعلهم ويتفلقوا يمكن يفوقوا
ويعرفوا مش علشان ساكتين هنفضل ساكتين
والا احنا راضيين و الا موافقين
لالالالالالالالالالا
هذه المرة مش حماس و فتح دى
حماس و الناس
ايه الجبروت و الافتراء دة
علشان واحد مطلوب تقبضوا عليه
تقتلوا امامة 12 فلسطينى
فى اى شرع وقانون و غابة و ملة و دين
ادخل اجيب واحد مستعصى على
بدل ما احاول وانتظر و انتظر
ادخل اضرب وسط البيوت الاهالى اللى اختفى فيها بالرشاشات و الصواريخ و الهاون
هاون وسط بيوت الناس!! يا الله يا رب
تقتلوا 12 منهم طفل سنة و نص
علشان ايه؟
علشان واحد طالبينة
طيب مكنش ممكن التصرف بحكمة
علشان خاطر باقى الناس و الاطفال و الحريم
اللى فى البيوت؟
اهلكم فى فلسطين مالهمش ثمن و لا خاطر عندكم
طيب علشان خاطر الشهر الحرام رمضان
طيب علشان خاطر ربنا يا مفتريين
طيب مش خايفين على اسمكم الكبير و تاريخكم
ودم شهدائكم الغالى؟
انا اتكلمت مع فلسطينيين كتيير كلهم بجميع اطيافهم مستائيين جدااااااااااا من حماس و افعالها
الكل بقى خايف منها ماهو اديكوا شايفين اللى بتعمله
الاسلام قال كدة؟
طيب قال كدة فى رمضان؟
طيب قال برضو تعدموا 4 اخوات قدام امهم
واخين تانين برضو امام اهلهم
وكل الاصابات كلها فى الرأس والصدر يعنى ضرب للقتل مش للقبض عليهم او اصابتهم
صايمين و فى الصيام تفطروا على دم اخواتكم
يا مفتريين يا ظلمة
لا و ايه علشان واحد من عائلة دغمش
قتل واحد من حماس
طيب اعملوله خطة و هاتوة
مش تقتلوا 12 معاه
12 من عائلة واحدة و ايه
بعد ما اخدوا واحد اسير و قبضوا عليه
اخدوة لاسرة القتيل و خلوا ابنه الطفل
اللى عنده 10 سنوات يضرب عليه نار
وبعدين فرغوا فيه عشرات الطلقات
زى سميح المدهون - الله - هو بقى مزاج عندكم
و الا ايه؟
والمفروض الشرطة لما تقبض على حد حتى لو كان القتيل من الشرطة
ياخدوا القاتل كدة و يحطوة وهو مصاب و يخلوا كل اللى معدى يضرب عليه رصاص
حتى الطفل اللى عنده 10 سنوات يا مفتريين
كل كلمة قلتها رابطها تحت
اقراوا كيف اعدموا الاخوات ال4 قدام امهم
و لما جت تحوش عن ولادها
ضربوها بالنار فى رجليها
ودخلوا اعدموا الشباب داخل بيوتهم
وكل الطلقات فى الرأس و الصدر
انتقام الجبابرة
الله ينتقم منكم بحق الشهر الكريم
جتكم القرف قرفتونا
حسبنا الله و نعم الوكيل عليكم يا حماس
اذا كان لسة فى حماس لسة فيها راجل بيعرف الله
و بيخاف الله ينفد بجلدة
حماس انتهت من زمان
من ساعة ما استشهد احسن ناس
ياسين و الرنتيسى و شحادة
وهل كان يجرؤ احد على ايامهم
يعمل الاعمال السودة دى
بعدها خلاص
انتهت حماس
وكل يوم بتنتهى اكتر و اكتر
انا فيه ناس منهم واكلة معاهم عيش و ملح و بحبهم
وعلشان خاطر العيش و الملح بقولهم خلالالالالاص كفاية انفدوا بجلدكم
طيب فيه ناس بتسأل ايه رأى الناس وخصوصا الاخوان فى حماس بعد ما اوغلت فى الدم الفلسطينى للاعناق؟
وليه محدش بيكلمهم زى مانا بقولهم فى وشهم مش وراء ظهرهم؟
طيب واحد تانى صهيونى فى ساحة حوار اجنبية كان بينشر وبيعلق على مدبحة سابقة لحماس
ماهى حماس واخدة العائلات الفلسطينية تدبحها
عيلة عيلة
قال: احنا مش محتاجين نشوة صورة حماس هما قايمين بالواجب و بيشوهوا صورتهم بنفسهم
ماقدرتش افتح بقى و ارد عليه
هتقولوا ايه للناس اللى كانوا بيحبوكم؟
هتقولوا ايه للشعب المسلم و العربى؟
هتقولوا ايه للاجانب اللى بيخاطروا بحياتهم
علشان فلسطين و غزة المحاصرة
بلاش
طيب
هتقولوا ايه لربنا يوم القيامة
ايديكم كلها دم
اذا كنتى كبيرة يا حماس
الله اكبر
حسبى الله و نعم الوكيل
حسبى الله و نعم الوكيل
حسبى الله و نعم الوكيل
ايمان بدوى
http://www.maannews .net/ar/index. php?opr=ShowDeta ils&ID=128860
12 قتيلاً و40 إصابة و15 معتقلاً حصيلة "الحملة الأمنية" للشرطة المقالة على "مطلوبين" من عائلة دغمش
http://www.maannews .net/ar/index. php?opr=ShowDeta ils&ID=128812
11 قتيلاً في "حملة أمنية" لشرطة الحكومة المقالة استهدفت "مطلوبين" من عائلة دغمش بغزة
http://paltoday. com/arabic/ index.php? act=Show&id=22007
مؤسسة الضمير تطالب "حكومة غزة" بالتحقيق في استخدام القوة المفرطة المميتة في حملتها ضد عائلة "دغمش
http://www.maannews .net/ar/index. php?opr=ShowDeta ils&ID=129010
جيش الاسلام يطالب علماء الامة التدخل لوقف حماس ويعلن مقتل سبعة من افراده ويتهم ك القسام وفصائل اخرى بشن حرب ضده
